गोदावरीमा काँग्रेस मेयर पदमा २३२ मतले अगाढी, उपमेयरमा २६१ मतले एमालेको अग्रता

 कैलालीको गोदावरी नगरपालिकामा नेपाली कांग्रेसले अग्रता कायमै राखेको छ । गएराती देखी वडा नम्बर १ र १२ को मतगणना जारी रहेको छ । दुबै वडामा मेयर पदमा कांग्रेसका उम्मेदवार अगाडी रहेका छन ।

पछिल्लो मत परिणामा अनुसार  काँग्रेसका मेयरका उम्मेदवार बिरेन्द्र भट्ट २३२  मतले अगाढी देखिएका छन । काँग्रेसका उम्मेदवार भट्टले १२१० मत पाएका छन । यस्तै नेकपा एमालेका उम्मेदवार गोकर्ण  भट्टले ९७८  मत पाएका छन । उता उपमेयरमा भने नेकपा एमाले अगाढी देखिएको छ ।

एमालेका उपमेयरका उम्मेदवार शारदा देबी रोकायाले ९३९ मत पाएकी छन । गठबन्धनकी उपेमयरकी उम्मेदवार रत्ना कडायतले ६७८ मत पाएकी छन । मत गणना वडा नम्बर ५ को कार्यालय गेटामा दुई ठाउँमा भईरहेको गोदावरी निर्बाचन अधिकृतको कार्यालयले जनाएको छ ।